BREAKING NEWS

Monday, September 21, 2015

बार्सिलोनाको जितमा मेस्सीको गोल, तर पेनाल्टीमा चुके

४ असोज, काठमाडौं । डिफेण्डिङ च्याम्पियन बार्सिलोनाले स्पेनिस ला लिगा फुटबलमा आफ्नो विजयी यात्रा कायमै राखेको छ । आइतबार राति भएको खेलमा बार्सिलोनाले लिओनल मेस्सीको दुई गोलको मदतमा लेभान्टेलाई ४-१ ले पराजित गरेको छ । तर, मेस्सी फेरि पेनाल्टीमा चुकेको छन् । नाउ क्याम्पमा भएको खेलमा लेभान्टेले पहिलो हाफमा बार्सिलोनालाई गोलसहित बराबरीमा रोक्यो । 

तर, ५० औं मिनेटमा वार्टाले गोल गर्दै घरेलु टोलीलाई सुरुवाति अग्रता दिलाए । त्यसको छ मिनेटपछि नै नेयमारले अग्रता दोब्बर पारे । ६१ औं मिनेटमा बार्सिलोनाले पेनाल्टी पायो, जसमा मेस्सीले सहजै गोल गरे । ६६ औं मिनेटमा लेभान्टेले गोल गर्दै घरेलु टोलीको अग्रता ३-१ मा झार्‍यो । खेलको ७८ औं मिनेटमा मेस्सीलाई फल गरेपछि बार्सिलोनाले फेरि पेनाल्टी पायो । तर, यो पटक मेस्सी गोल गर्न चुके । अहिलेसमम ६५ पेनाल्टी हानेका उनी यो १५ औं पटक गोल गर्न असफल भएका हुन् ।
खेलको अन्तिम मिनेटमा मेस्सीले गोल गरे र बार्सिलोनालाई ४-१ को जित दिलाएका छन् । जितसँगै बार्सिलोना ४ खेलबाट १२ अंकका साथ शीर्ष स्थानमा उक्लिएको छ । दोस्रो स्थानमा झरेको रियल मडि्रडको समान खेलबाट १० अंक छ ।

Random News

तपाईं हामीसंग फेसबुक र ट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा info@lekhnathcity.com मा पठाउनुहोला ।
 
Copyright © 2016 Lekhnathcity.com: Online from Lekhnath: Dedicated to better Lekhnath Designed by Rajan .