Lekhnathcity.com: Online from Lekhnath: Dedicated to better Lekhnath

Friday, March 31, 2017

भु पु सैनिक समाजका पथ प्रर्दशक हुन्

लेखनाथ,१८ चैत।

जागिरे जिबन पछि सेवा निबृत भएका भुपु सैनिकहरु समाजका पथ प्रर्दशक भएको सुक्रवार लेखनाथमा आयोजित एक कार्यक्रमका वक्ताहरुले वताएका छन् ।

संयुक्त गोर्खा भुपु सैनिक क्लवको आठौं बार्षिकोत्सव समारोहका बक्ताहरुले जागिरे जिबनमा भोगेका आफना अनुभवलाई समाज रुपान्तरणका लागि भुपुहरुले काम गर्दै युवाहरुलाई सकरात्मक शन्देस दिनु पर्नेमा जोड दिएका हुन् ।

संयुक्त गोर्खा भुपु सैनिक क्लवका अध्यक्ष मेजर रामप्रसाद गुरुङको अध्यक्षतामा भएको सो कार्यक्रमको उद्घाटन गर्दै ९२ वर्षिय भुपु सैनिक अमरशिह गुरुङले जागिरे जिवनको अनुभवलाई जागिर पछि समाजीक क्षेत्रमा खर्च गर्न सके भावि पुस्तालाई प्रेरणाको स्रोत हुने विचार राखेका थिए।

सोही अवसरमा रोयल सहकारी सस्थाका प्रवन्ध निर्देशक भीम गुरुङ,सस्थाका अध्यक्ष तुलसी प्रसाद गुरुङ,लेखनाथ उद्योग बाणिज्य संघका अध्यक्ष लक्ष्मीप्रसाद त्रिपाठी,आदीवासी जनजाती महासंघ लेखनाथ नगर समोन्वय परिषदका अध्यक्ष जंगवहादुर गुरुङ,ङयोए तमु धि लेखनाथका अध्यक्ष मनवहादुर गुुरुङ,मालपोत कार्यालय लेखनाथका प्रमुख चिरञ्जीवि पौडेल,लेखनाथ सामुदायिक लायन्स अस्पतालका अध्यक्ष महेश्वर पाण्डे लगाएतले आफनो जन्म भुमिलाई सम्झेर जागिरे जिवनको अनुभवलाई विकास निर्माणमा समाहित गर्नु पर्ने सुझाव राखेका थिए।उक्त कार्यक्रमको संचालन क्लवका सचिव सुवेदार मेघ वहादुर गुरुङले गरेका थिए।

Monday, February 27, 2017

सकियो फिस फेस्टिवल

भीमपाणि बराल
लेखनाथ, १६ फागुन ।
पर्यटन तथा प्रवर्धनका लागि बेगनासताल किनारमा संचालित माछा महोत्सवले लक्ष्य अनुसारकै सफलता हात पार्दै सोमवार सकिएको छ ।
फागुन १४ गते देखि संचालित ३ दिने फिस फेस्टिवलमा करिव ४ हजार के.जि. माछा विक्रि र ७० हजार दर्शकले फेस्टिवलको प्रतक्ष्य रुपमा अवलोकन गरेको आयोजकले जनाएका छन् ।
समापन समारोहमा वोल्दै कास्कीका प्रमुख जिल्ला अधिकारी हरीप्रसाद मैनालीले मेला तथा महोत्सवले स्थानिय उत्पादनलाई प्रवद्र्धन गर्दै यहाँ रहेका प्रकृतिक संम्पदाको संरक्षण गर्दै पर्यटन विकासमा सहयोग पुग्ने धारणा राखेका थिए ।
मैनालीले यहाँ रहेका मौलिक सस्कृतिको संरक्षण गर्न सके भावी पुस्ताले यसलाई सदुपयोग गर्न सक्ने भएकाले कास्की जिल्ला मेला र महोत्सवको जिल्ला हुन सक्ने विचार राखेका थिए ।

महोत्सवका मूल संयोजक दामोदर भक्त थापाको अध्यक्षतामा भएको सो कार्यक्रममा लेखनाथ उद्योग वाणिज्य संघका अध्यक्ष लक्ष्मी प्रसाद त्रिपाठी, लेखनाथ नगरपालिकाका कानूनी सल्लाहकार राममणि अधिकारी, लि वर्ड कि प्रतिनिधि लाक्पा शेर्पा, वेगनास युवा क्लवका अध्यक्ष मदनवावु कोइराला लगायतले महोत्सवको समय छोटो भएकाले कम्तिमा पनि एक हप्ताको बनाउनु पर्ने शुझाव राखेका थिए ।
यशोशियसनका महासचिव विरभद्र कंडेलले संचालन गरेको सो कार्यक्रममा धन्यवाद ज्ञापन निवर्तमान अध्यक्ष दुर्गा अधिकारीले गरेका थिए ।
महोत्सवमा राष्ट्रिय तथा स्थानिय कलाकारको मनोरंजनात्मक प्रस्तुति डुंगा दौड र पौडी प्रतियोगीता तथा दर्जन भन्दा बढी कलाकारको प्रस्तुती रह्ेको थियो ।

Saturday, February 25, 2017

तेस्रो बेगनास फिस फेष्टीवल शुरु

लेखनाथ, फाल्गुन १४

लेखनाथ नगर क्षेत्रमा माछा र पर्यटन प्रवद्र्धन गर्ने उदेश्यले आयोजना गरेको तेस्रो बेगनास फिस फेस्टीबल शुरु भएको छ । बेगनास जाऔं, माछाका परिकारमा रमाऔं भन्ने मुल नाराका साथ फागुन १४ गतेदेखि १६ गतेसम्म बेगनासताल किनारमा शुरु भएको कार्यक्रमको क्षेत्रिय प्रशासक यम कुमारी खतिवडाले उद्दघाटन गरेकी छन् । कार्यक्रममा वोल्दै खतिवडाले यस क्षेत्रको समग्र आर्थिक उन्नतीका लागि भएको महोत्सवले यस क्षेत्रको विकासमा टेवा पुग्ने विचार राख्दै आगामी वर्षमा अझ व्यवस्थित तरिकाले गर्नका लागि सरकारी तवरवाट विषेश सहयोग पुग्ने विचार राखेकी थिईन ।

होटल तथा रेस्टुरेन्ट एसोसिएसन लेखनाथको आयोजना र स्थानीय सामाजिक संघ सस्थाको सहकार्यमा शुरु भएको फेस्टिभलको उद्घाटन कार्यक्रममा वेगनास युवा क्लबका अध्यक्ष मदनबाबु कोइराला, वेगनासताल बस व्यवसायी समितिका अध्यक्ष खेम गुरुङ, वेगनासताल महिला समुहकी अध्यक्ष विष्णु मायाँ तिवारी, वजार व्यवस्थापन समितिका अध्यक्ष, तमु समाज वेगनासताल इकाइका अध्यक्ष यम बहादुर गुरुङ, लगाएतले शुभकामना मन्तव्य व्यक्त गरेका थिए । विभिन्न सामाजिक संघ संस्थाहरुद्धारो झाँकी ¥याली प्रस्तुत गरिएको थियो । फेस्टिवलको मुख्य आकर्षकमा माछाका परिकार, मोटरबोटमा ताल शयर, तथा वराह मन्दिर दर्शनको अवसर, माछा रोग शिविर र पानी जाँच्ने कार्यक्रम, माछा, मह कफी प्रदर्शनी रहेका छन् । होटल तथा रेस्टुरेन्ट एसोसिएसन लेखनाथका अध्यक्ष दामोदरभक्त थापाको अध्यक्षतामा भएको कार्यक्रमको सन्चालन महासचिव विरभद्र कंडेलले गरेका थिए । फेस्टिबलमा पप कन्सर्ट, हास्य व्यंग्य, लोक दोहोरीको साथै स्थानीय सांस्कृतिक प्रस्तुति, महिला तथा पुरुष डुंङ्गा दौड, पौडी प्रतियोगिता, माछा मार्ने प्रतियोगिता, स्थानीय माछा संरक्षण कार्यक्रममा भुराहरु तालमा छाडिने कार्यक्रम रहेका छन् ।फेष्टीवलमा २५ वटा स्टल रहनेछ ।

फेस्टिबलको ७५ हजार दर्शकले अवलोकन गर्नुका साथै ५० लाख बरावरको आर्थिक कारोवार हुने अनुमान आयोजकहरुले गरेका छन् । प्रवेश निशुल्क राखिएको फेस्टिबल गर्न १२ लाख खर्च लाग्ने र आम्दानी १४ लाख भई दुई लाख बचत हुने अनुमान गरिएको र बचेको रकम बेगनास ताल संरक्षण तथा सरसफाईमा खर्च गरिने भएको छ ।

Friday, February 24, 2017

तेस्रो बेगनास फिस फेस्टिवल आजदेखि

लेखनाथ , १३ फागुन

लेखनाथ नगर क्षेत्रमा माछा र पर्यटन प्रवद्र्धन गर्ने उदेश्यले आयोजना गरेको तेस्रो बेगनास फिस फेस्टिबलको आजदेखी हुने भएको छ ।

बेगनास जाऔं, माछाका परिकारमा रमाऔं भन्ने मुल नाराका साथ फागुन १४ गतेदेखि १६ गतेसम्म बेगनासताल किनारमा हुने फेस्टिवलको क्षेत्रिय प्रशासक यम कुमारी खतिवडाले उद्दघाटन गने आयाृेजकले जनाएका छन् ।

होटल तथा रेस्टुरेन्ट एसोसिएसन लेखनाथको आयोजना र स्थानीय सामाजिक संघ सस्थाको सहकार्यमा हुने फेस्टिभलको मुख्य आकर्षकमा माछाका परिकार, मोटरबोटमा ताल शयर, तथा वराह मन्दिर दर्शनको अवसर, माछा रोग शिविर र पानी जाँच्ने कार्यक्रम, माछा, मह कफी प्रदर्शनी रहेको होटल तथा रेस्टुरेन्ट एसोसिएसन लेखनाथका अध्यक्ष दामोदरभक्त थापाले जानकारी दिए ।

बेगनासताल क्षेत्रका पर्यटकीय स्थलको प्रचार प्रसार, आन्तरीक तथा वाह्य पर्यटन प्रवद्र्धन, माछा, मह, कफीको प्रचार प्रसार, स्थानीय माछाहरुको संरक्षण र जानकारी गराउन फेस्टिबल आयोजना गरिएको थापाले जानकारी बताए ।

फेस्टिबलमा पप कन्सर्ट, हास्य व्यंग्य, लोक दोहोरीको साथै स्थानीय सांस्कृतिक प्रस्तुति, महिला तथा पुरुष डुंङ्गा दौड, पौडी प्रतियोगिता, माछा मार्ने प्रतियोगिता, स्थानीय माछा संरक्षण कार्यक्रममा भुराहरु तालमा छाडिने प्रचारप्रसार उपसमितिका संयोजक दुर्गाप्रसाद अधिकारीले जानकारी दिएका छन् । फेष्टीवलमा २५ वटा स्टल रहनेछ ।

फेस्टिबलको ७५ हजार दर्शकले अवलोकन गर्नुका साथै ५० लाखको कारोवार हुने अनुमान आयोजकहरुले गरेका छन् । प्रवेश निशुल्क राखिएको फेस्टिबल गर्न १२ लाख खर्च लाग्ने र आम्दानी १४ लाख भई दुई लाख बचत हुने अनुमान थापाले सुनाए । उनका अनुसार बचेको रकम बेगनास ताल संरक्षण तथा सरसफाईमा खर्च गरिने भएको छ ।

लेखनाथको शिद्धेश्वर महायज्ञ एक दिन थप,अहिले सम्म ६१ लाख संकलन

भीमपाणि बराल

लेखनाथ,१३ फागुन ।

फागुन ७ गते देखि १४ गते सम्म संचालन गर्ने भनिएको लेखनाथको शिसुवा स्थीत डुडाको मुखमा संचालीत श्रीमद् भागवत पुराण ज्ञान महायज्ञ तथा शिवरात्री महोत्सवलाई एक दिन थप गरि फागुन १५ गतेसम्मलाई पु¥याईएको छ।

शिवरात्री महोत्सवका रुपमा लिईएको महायज्ञमा भत्तजनको चाप र आग्रहलाई मध्यनजर राख्दै एक दिन थप गरि समापनको कार्यक्रम फागुन १५ गतेलाई राखिएको प्रचार प्रसार उप समितिका संयोजक भरतराज न्यौपानेले जानकारी दिएका छन् ।

महायाज्ञको सातौं दिन शिवरात्री परेकाले सुक्रवार भक्तजनहरुको बाक्लो उपस्थीति रहेकाले दिनभर नै आयोजकहरुलाई ब्यवस्थापन गर्न हम्मे हम्मे परेको थियो । यज्ञ स्थलमा भएको शिव मन्दिरमा विहान देखि बेलुकासम्म दुध चढाउनेहरुको बाक्दो भिडले दान रकम पनि अन्य दिनको तुलनामा दोब्वरले बृद्धि भएको आयोजक सस्थाका सह सचिव विनोद प्रसाद लामिछानेले जानकारी दिएका छन् ।

महायज्ञमा युवा पण्डित बन्धुराज खनालको मुखराविन्दुबाट दैनिक रुपमा संगितमय धार्मिक प्रवचन भएकाले रोचक पुर्वक प्रवचन सुन्ने भक्तजनहरु आउने गरेकाले आयोजकहरुले अपेक्ष्या गरे अनुसारकै करिव एक करोड रकम उठ्न सक्नेमा आयोजकहरु विसोस्त देखिन्छन् ।

महायज्ञमा सुक्रवार मात्र सानो ठुलो गरि करिव २० संकलन भएको छ भने अहिले सम्म करिव ६१ लाख संकलन भईसकेको लेखा सह संयोजक उपेन्द्र पौडेलले जानकारी दिएका छन् ।

करिव दुई रोपनी क्षेत्रफल भित्र रहेको जिर्णद्धार मन्दिरलाई कलात्मक शिव मन्दिर निर्माण गर्ने, पर्यटकीय स्थलका रुपमा विकास गराउदै जेष्ठ नागरिक बिश्राम स्थल, बाटिका तथा पुष्प उद्धान र शुभ मण्डप बनाउने लक्ष्य राखिएको छ ।

Thursday, February 23, 2017

बेगनासतालमा माछा महोत्सवको तयारी पुरा

लेखनाथ , १२ फागुन

लेखनाथ नगर क्षेत्रमा माछा र पर्यटन प्रवद्र्धन गर्ने उदेश्यले तेस्रो बेगनास फिस फेस्टिबलको तयारी पुरा भएको छ ।

बेगनास जाऔं, माछाका परिकारमा रमाऔं भन्ने मुल नाराका साथ फागुन १४ गतेदेखि १६ गतेसम्म बेगनासताल किनारमा हुने फेस्टिभलको ९० प्रतिशत तयारी पूरा भएको बिहीबार आयोजित पत्रकार सम्मेलनमा जानकारी गराईएको हो । होटल तथा रेस्टुरेन्ट एसोसिएसन लेखनाथको आयोजना र स्थानीय सामाजीक संघ सस्थाको सहकार्यमा हुने फेस्टिभलको मुख्य आकर्षकमा माछाका परिकार, मोटरबोटमा ताल शयर, तथा वराह मन्दिर दर्शनको अवसर, माछा रोग शिविर र पानी जाँच्ने कार्यक्रम, माछा, मह कफी प्रदर्शनी रहेको होटल तथा रेस्टुरेन्ट एसोसिएसन लेखनाथका अध्यक्ष दामोदरभक्त थापाले जानकारी दिए । बेगनासताल क्षेत्रका पर्यटकीय स्थलको प्रचार प्रसार, आन्तरीक तथा वाह्य पर्यटन प्रवद्र्धन, माछा, मह, कफीको प्रचार प्रसार, स्थानीय माछाहरुको संरक्षण र जानकारी गराउन फेस्टिबल आयोजना गरिएको थापाले जानकारी दिए ।

फेस्टिबलमा पप कन्सर्ट, हास्य व्यंग्य, लोक दोहोरीको साथै स्थानीय सांस्कृतिक प्रस्तुति, महिला तथा पुरुष डुंगा दौड, पौडी प्रतियोगिता, माछा मार्ने प्रतियोगिता, स्थानीय माछा संरक्षण कार्यक्रममा भुराहरु तालमा छाडिने प्रचारप्रसार उपसमितिका संयोजक दुर्गाप्रसाद अधिकारीले जानकारी दिएका छन् । फेस्टिबलको ७५ हजार दर्शकले अवलोकन गर्नुका साथै ५० लाखको कारोवार हुने अनुमान आयोजकहरुले गरेका छन् । प्रवेश निशुल्क राखिएको फेस्टिबल गर्न १२ लाख खर्च लाग्ने र आम्दानी १४ लाख भई दुई लाख बचत हुने अनुमान थापाले सुनाए । उनका अनुसार बचेको रकम बेगनास ताल संरक्षण तथा सरसफाइमा खर्च गरिने भएको छ ।

बेगनास मत्स्य व्यवसायी समितिका अध्यक्ष झलक जलारीका अनुसार बेगनासतालबाट वार्षिक रुपमा साढे तीन टन माछा उत्पादन हुने गरेको छ । समितिमा ४२ जना सदस्य छन् । बेगनास मत्स्य अनुसन्धान केन्द्रका देवप्रसाद शर्माका अनुसार बेगनासमा ४६ प्रजातिका स्थानीय र रहु, नैनी लगायतका ९ प्रजातिका विकासे माछा पाइन्छ । जलारीका अनुसार काड,ेगर्दी,सेरा र फगेटा लगायतका केही प्रजातिका माछा लोभ भइसकेका छन् । पत्रकार सम्मेलनमा होटल तथा रेस्टुरेन्ट एसोसिएसन लेखनाथका महासचिव वीरभद्र कँडेल,नेपाल पत्रकार महासंघ कास्कीका सचिव रामप्रसाद तिमिल्सेना र पत्रकार सन्दिप पौडेल लगाएतले फेस्टिबलाई ब्यवस्थीत र प्रभावकारी बनाउन सवैको साथ र सहयोगको आबस्यक रहनेमा जोड दिएका थिए ।

शिद्धेश्वर महायज्ञमा ४० लाख ६० हजार संकलन

भीमपाणि बराल

लेखनाथ,१२ फागुन ।

फागुन ७ गते देखि लेखनाथको शिसुवा स्थीत डुडाको मुखमा संचालीत श्रीमद् भागवत पुराण ज्ञान महायज्ञ तथा शिवरात्री महोत्सवको छैटौं दिनसम्म आईपुग्दा करिव ४० लाख ६०हजार संकलन भएको छ ।

महायाज्ञको छैर्टौ दिन मात्र १५लाख ६० हजार तीन सय ४० संकलन भएको हो । फागुन १४ गतेसम्म चल्ने महायज्ञको बिहिवार शिवप्रसाद न्यौपाने,टोपबहादुर थापा,गुणाखर सापकोटा,धनश्यम लामिछाने,शिब आचार्य,डोव बहादुर कार्की,प्रकाश गौतम,कृष्णप्रसाद लामिछाने,उपेन्द्र पौडेल,भरतराज न्यौपाने समेतको समुहले सामुहिक रुपमा दुई लाख २२ हजार दुई सय २२ रुपिया सहयोग गरेका हुन् ।

यसै गरि विहिवार लेखनाथ ८ निवासी तुल्सी गिरि,रामचन्द्र गिरी,शिव गिरी र भरत गीरिको परिवारले ७५हजार एक सय ११,धु्रबकल्पीत सुवेदी र श्रीमती सविता सुवेदीले ५५हजार पाँच सय ५५,सोमलाल अधिकारी र श्रीमती तिलादेवि अधिकारीले ५२हजार एक सय ५१ ,कृष्ण प्रसाद रेग्मी र श्रीमती लीला रेग्मीले ५१हजार पाँच सय ५५ र लेखनाथ ८ शिसुवा निवासी धर्मराज चापागाई,दुर्गादत्त चापागाई,टिकाराम चापागाई एकराज चापागाई र डम्वरु वल्लब चापागाईको परिवारको तर्फबाट ५१हजार एक सय ११ सहयोग गरेको लेखा सह संयोजक उपेन्द्र पौडेलले जानकारी दिएका छन् ।

महायज्ञमा विहिवार पनि सहयोग गर्ने भक्तजनको बाक्लो उपस्थीति रहेका कारण अन्य दिनको तुलनामा दान रकम पनि बढेको हो । करिव दुई रोपनी क्षेत्रफल भित्र रहेको जिर्णद्धार मन्दिरलाई कलात्मक शिव मन्दिर निर्माण गर्ने, पर्यटकीय स्थलका रुपमा विकास गराउदै जेष्ठ नागरिक बिश्राम स्थल, बाटिका तथा पुष्प उद्धान र शुभ मण्डप बनाउने उदेश्य राखिएको छ ।

करिव एक करोड उठाउने लक्ष्य राखिएको महायज्ञमा युवा पण्डित बन्धुराज खनालले दैनिक रुपमा संगितमय धार्मिक प्रवचन दिदै आएका छन

Wednesday, February 22, 2017

फेरिने भो त अब पोखरा रंगशाला अनुहार !

केशब पाठक

पोखरा, ११ फागुन

लामो पर्खाइ पछि अब पोखरेली खेल प्रेमीहरुले पोखरा स्टेडियममा बसेर फुटबलको मज्जा लिन पाउने भएका छन । पश्चिमाञ्चल क्षेत्रिय खेलकुद विकास समितीको बुधवार सम्पन्न बैठकले केही महत्वपुर्ण निर्णय गरेपछि रंगशालाको मुहार केही भएपनि नयाँ रुपमा देख्न पाइने भएको हो ।

पश्चिमाञ्चल क्षेत्रिय खेलकुद विकास समितीले रंगशाला भित्रको महत्वपुर्ण रहेको फुटबल स्टेडियमको डिटेल प्रजेक्ट रिर्पोट (डिपिआर) का लागि तयारी सुरु गरिने समीतीका अध्यक्ष खगराज पौडेलले जानकारी दिए । बैठकले डिपिआर फागुन १५ गते बाट सुरु गरिने निर्णय गरेको छ । ‘आसन्न १३ औं साग खेलकुदलाई मध्ये नजर गर्दै रंगशालाको डिपिआरका लागि समितीले पहल थालेको’ अध्यक्ष पौडेलले बताए । उनले भने –‘हामीले डिपिआरका लागि १५ लाख छुट्टाएका र्छौ र यो चाँडै नै सक्ने गरि कामको जिम्मा समेत दिनेछौं ।’ डिपिआर पछि पोखरा रंगशालाको नयाँ प्रारुप तयार हुने समेत उनको भनाई थियो ।

लामो समय देखि पानीको अभावमा काकाकुलको नियती भोग्दै आएको पोखरा रंगशालामा ड्रिलिङ्ग गरि पानी निकाल्ने तयारी गरिएको छ । यहि फागुन १५ गते बाट नै ड्रिलिङ्गका लागि समेत कार्य थालनी गरिने गरि समितीले निर्णय गरेको अध्यक्ष पौडेलले बताए । २०५९ सालमा तत्कालिन पर्खाल निर्माण समितीले पानीको लागि ड्रिलिङ्गको व्यवस्था गरेको भए पनि मर्मत सम्भार अभावका कारण बन्द हुन पुगेको थियो । तर अब त्यस्तो दोहोरिन नदिने र सो को लागि छुट्टै निर्माण समिती गठन गरि संचालनको जिम्मा समेत दिइने उनले बताए ।

हरेक महिनाको पहिलो शनिवार पोखरा रंगशाला सरसफाई अभियानको थालनी गरिने गरि बैठकले निर्णय समेत गरेको छ । रंगशाला सरसफाईका लागि जनपद प्रहरी, शसस्त्र प्रहरी, नेपाली सेना संग पनि सहयोग लिइने छ भने विभिन्न खेलकुदका संघहरुलाइ अनिवार्य गर्ने गरि निर्णय भएको छ भने सरसफाइका लागि विभिन्न स्वयसेवी संस्थाहरुलाई सहभागिता जनाउन आग्रह गरिने अध्यक्ष पौडेलले बताए ।

सम्पन्न बैठकले पूर्वाञ्चलमा सम्पन्न सातौं राष्ट्रिय खेलकुदमा स्वर्ण पदक बिजेताहरुलाई रोजगारको प्रत्याभुती गर्न पोखरामा रहेका विभिन्न औधोगिक घरानियाँहरु संग पहल थालिने निर्णय भएको जानकारी दिए । ‘उनीहरुको रोजगारको शुनिस्चितता गर्नु हाम्रो कक्र्तव्य हो र त्यो अनुसार हामी छिट्टै पहल थाल्छौ’ उनले भने । स्मरण रहोस सातौं राष्ट्रिय खेलकुदमा ८ जनाले पश्चिमाञ्चल बाट स्वर्ण पदक जितेका थिए ।

तस्विरः सुर्दशन रञ्जित

नर्मदेश्वर मोक्ष आश्रममा महायज्ञ शुरु

लेखनाथ ११ फागुन

नर्मदेश्वर मोक्ष आश्रम सरक्षण समितीको आयोजनामा मदौरुकुनामा वुधवार देखी महायज्ञ शुरु भएको छ । वुधवार देखी शुरु भएको महायज्ञमा वोल्दै प्रमुख अतिथी सिद्ध वावाले धर्म र सस्कृतीको सरक्षमा कुनै पुर्वाग्रह नराख्न आग्रह गर्नुभयो । उहाँले परिवर्तन गर्नको लागी पहिले ज्ञानको आवश्यकता पर्दछ, त्यसैले सर्वप्रथम यसको उपयोगिताको वारेमा वुझ्नु पर्नेमा जोड दिए । करिव ५ करोडको लागतमा निर्माण योजना सहित गरीएको शिवपुराण कोटी रुद्र सगितमय ज्ञान महायज्ञमा लेखनाथ वासीहरुको वाक्लो उपस्थिती देखिन्थ्यो । प्रचिन शुक्ला गण्डकी र वर्गादी नदीको संगम स्थल मदौरुघाटमा निर्माणाधिन मन्दिरमा यस पटक सन्त सम्मेलन समेत आयोजना गरीएको छ । ११ दिन सम्म चल्ने महायज्ञमा नेपाल र भारतवाट गरी करिव १ हजार वढी सन्तहरुको उपस्थिती रहने प्रचार प्रशार संयोजक विष्णु सुवेदीले जानकारी दिइन् । प्रखर वक्ता चैतन्य कृष्णजिको मुखार विन्दवाट कथा वाचन गर्ने महायज्ञमा उपवाचक सुधा सापकोटा रहेकी छन् ।

नेपाल र भारतमा नै पहिलो पटक हुन लागेको महायज्ञ फागुन २१ गते सम्म हुनेछ । संरक्षण समितीका अध्यक्ष झविन्द्रराज आचार्यको सभापत्विमा सम्पन्न कार्यक्रममा स्वागत मन्तव्य पुर्व सांसद् शुक्रराज शर्माले गर्नुका साथै सञ्चालन सचिव किरण भण्डारीले गरेका थिए ।

Tuesday, February 21, 2017

त्रिबेणी इन्टरनेशनल कलेजको प्रथम साधारण सभा सम्पन्न

राजनैतिक अस्थिरताका कारण शैक्षिक क्षेत्र प्रभावित: उपकुलपति खनिया

लेखनाथ,१० फागुन।

लेखनाथको तालचोकमा रहेको त्रिबेणी इन्टरनेशनल कलेजको प्रथम साधारण सभा तथा नवनिर्मित भवनको मंगलवार एक कार्यक्रमका बीच उद्घाटन गरिएको छ ।

गत शैक्षिक सत्रमा विभिन्न तह उत्रिण गरेका विद्यार्थीहरुलाई दिक्षित गर्दै त्रिभुवन विश्वविद्यालयका उपकुलपति प्रध्यापक डाक्टर तीर्थराज खनियाँले राज्यमा ब्याप्त राजनैतिक अस्थिरताका कारण शैक्षिक क्षेत्र प्रभावित भएको विचार राखेका थिए।

शौक्षीक क्षेत्रको विकास गर्ने काम सरकारको हो तर सरकारले नसकेपछि निजी क्षेत्रलाई जिम्मा लगाएर पनि उत्पादन भएका दक्ष जनशत्ति राज्यका पनि उत्पादन भएको धारणा राख्दै उप कुलपति खनियाँले उच्च तहको शौक्षीक विकासमा निती बेगरको निर्देशन हुने गरेकाले शौक्षिक क्षेत्र धरासायि भएको विचार राखेका थिए।

कलेज संचालक समितिका अध्यक्ष रामप्रसाद शर्माको अध्यक्षतामा भएको सो कार्यक्रममा सांसद यज्ञवहादुर थापाले ज्ञान,विज्ञान,सिप र प्रविधियुक्त शिक्षा नै अहिलेको आवस्यकता रहेका धारणा राखेका थिए भने पोखरा विश्वविद्यालय मानविकी संकायका डीन ईन्द्र प्रसाद तिवारी र त्रिवी ब्यवस्थापन संकायका डिन डिल्लीराम शर्माले प्रतिसप्रदामा जानु सक्नु नै विद्यार्थीको प्रगति भएको धारणा राखेका थिए।

कार्यक्रममा सस्थापक सेयर सदस्य शेखरराज बस्ताकोटी,कम्पनी अध्यक्ष राजेन्द्रमणि लामिछाने,लेखनाथ उद्योग बाणिज्य संघका अध्यक्ष लक्ष्मीप्रसाद त्रिपाठी,विद्यार्थी कल्याणकारी समितिका पुर्व अध्यक्ष कमल गौतम लगाएतले युग र समय सुहाउदो प्राविधिक र सिप मुलक शिक्षा नै अहिलेको आवस्यकता भएकोमा जोड दिएका थिए।
कार्यक्रममा उत्कृष्ट विद्यार्थीतर्फबाट सचिन रानाभाट, कमल गौतम, सुचना बराल र असिम पाण्डेलाई सम्मान गरीएको थियो भने उत्कृष्ट शिक्षकबाट सुनिलदत्त बराललाई सम्मान गरीएको थियो ।

विद्यार्थीहरुबाट विविध सास्कृती कार्यक्रमका साथ सुरु भएको सो कार्यक्रमको संचालन कलेजका प्राध्यापक रामचन्द्र भण्डारीले गरेका थिए भने धन्यवाद ज्ञापन कम्पनी उपाध्यक्ष विष्णुप्रसाद बरालले गरेका थिए।

लेखनाथको शिद्धेश्वर महायज्ञमा नौ लाख ३५ हजार संकलन

लेखनाथ, १० फागुन ।

फागुन ७ गते देखि लेखनाथको शिसुवा स्थीत डुडाको मुखमा संचालीत श्रीमद् भागवत पुराण ज्ञान महायज्ञ तथा शिवरात्री महोत्सवको चौथो दिनसम्म नौ लाख ३५ हजार संकलन भएको छ।

श्री शिद्धेश्वर शिव मन्दिरको ब्यवस्थापन र स्थानिय सामाजीक संघ सस्थाको सहकार्यमा महाशिव रात्रिको अवसर पारेर फागुन १४ गतेसम्म चल्ने महायज्ञमा मंगलबार मात्र पाँच लाख ३५ हजार नगद संकलन भएको प्रचार प्रसार उप समितिका संयोजक भरतराज न्यौपानेले जानकारी दिएका छन् ।

महायज्ञको चौथो दिन लेखनाथ ८ निवासी लक्ष्मण छन्त्याले एक लाख एक हजार एक सय ११,सर्वजित सुनार लेखनाथ ८ बाट ५१हजार एक सय ११ र डुडाको मुख टोल विकास सस्था र आमा समुहले सामुहिक रुपमा ५० हजार ५५ दान गरेका हुन्।

महायज्ञमा मंगलबार भक्तजनको बाक्लो उपस्थीति रहेका कारण दान गर्नेको सख्या र रकममा पनि अन्य दिनको तुलनामा बढेको बताईएको छ । उक्त ठाउमा रहेको जिर्णद्धार मन्दिरलाई कलात्मक शिव मन्दिर निर्माण गर्ने, पर्यटकीय स्थलका रुपमा विकास गराउदै जेष्ठ नागरिक बिश्राम स्थल, बाटिका तथा पुष्प उद्धान र शुभ मण्डप बनाउने उदेश्यले राखिएको महायज्ञमा युवा पण्डित बन्धुराज खनालले दैनिक रुपमा संगितमय धार्मिक प्रवचन दिदै आएका छन् ।

करिव दुई रोपनी क्षेत्रफल भित्र फैलिएको मन्दिर परिसरमा ब्यवस्थित तर्थस्थल निर्माण गरि आम भत्तजनहरुमा धार्मीक भावनाको विकास गराउने उदेस्यले संचालीत महायज्ञमा करिव एक करोड संकलन गर्ने लक्ष्य राखिएको छ।

मदौरुकुनामा ज्ञान महायज्ञ तथा सन्त सम्मेलन गरिने

लेखनाथ, ९ फागुन।

लेखनाथ नगरपालिका वडा नं १ स्थीत सेती नदि र बगादी खोलाको संगम स्थल नर्मदेश्वर मदौरुकुना मोक्षधाममा यही फागुन ११ देखी २१ गते सम्म धार्मीक महोत्सव तथा शिवपुराण कोटिरुद्र ज्ञान महायज्ञ एंव सवा करोड दिप प्रज्वलन र अभुतपुर्व सन्त सम्मेलन गरिने भएको छ ।

नर्मदेश्वर मोक्षाश्रमधाम संरक्षण समितिले गर्न लागेको महायज्ञका बारेमा जानकारी दिने उदेस्यले सोमवार राखिएको पत्रकार सम्मेलनमा ज्ञान महायज्ञ ११ दिनेसम्म चल्ने र यज्ञ अवधिभर देशभरका करिव एक हजार भन्दा वढि सान्त महन्तहरु आउने जानकारी गराईएको थियो ।

नर्मदेश्वर मोक्षाश्रमधाम संरक्षण समितिका अध्यक्ष झबिन्द्रराज आचार्यको अध्यक्षतामा भएको सो कार्यक्रममा प्रचार प्रसार उप समितिका संयोजक बिष्णु सुबेदिले राष्ट्रिय एवं अन्तराष्ट्रिय विशिष्ट गुरु वर्गबाट प्रवचन हुने महायज्ञ स्थलमा गर्भ गृह भित्र १५ फिट उचाई र ३२ फिट लम्बाई र १५फीट चौडाई भएको गुफाभित्र दुई सय मीटर अग्लो शिवलिङ निर्माण गर्ने र यस मोक्षधाम भित्र बिभिन्न भगवानका मुर्तिहरु बनाउने र मन्दिरको गजुरमा नेपाल आमाको तस्बिर टासीने भएको छ ।

उक्त ठाउमा परापुर्वक कालमा ऋषी कर्दम कस्सेप च्यवनले तपस्या गरेको ईतिहास किम्वोदन्ती रहेकाले पनि यस क्षेत्रलाई धार्मीक तथा ईतिहासीक तीर्थस्थलको रुपमा विकास गराउने उदेस्यले महायज्ञ गर्न लागिएको सचिव किरणराज भण्डारीले जानकारी दिएका छन् ।

यस धार्मीक स्थललार्ई नेपालको उदाहरणीय तथा नेपाल भारत कै नमुना तिर्थ स्थल बनाउने र पोखरा आएका पर्यटकलाई नर्मदेश्वर मोक्षाश्रमधामसम्म ल्याउने वातावरण मिलाईनेको दान उत्प्रेरक उप समितिका संयोजक मोती गिरीले जानकारी दिएका छन् ।

महायज्ञ संयोजक एंव नर्मदेश्वर मोक्ष आश्रम संरक्ष्ण समितीमा अध्यक्ष झविन्द्रराज आचार्यले नेपालमा पहिलो पटक र अरु भन्दा भिन्न महायज्ञ भएको हुँदा सवैले तन, मन र धनले सहयोग गरी मन्दिर निर्माण पुरा गर्न आग्रह गरे ।

कार्यक्रममा गोपालानन्द महाराजले सवैले धामको प्रचार प्रशारमा जोड दिई आर्थिक, भौतिक र नैतिक रुपमा सहयोग गर्न आग्रह गरे ।

महायज्ञका प्रमुख वाचबमा विश्व विख्यात चैतन्य कृष्णजीको मुखराविन्दुवाट संगितमय धार्मीक प्रवचन दिनु हुने भएको छ ।

फोटो क्याप्सन ःलेखनाथको नर्मदेश्वर मोक्षधाममा गर्न लागिएको धार्मीक महोत्सव तथा शिवपुराण कोटिरुद्र ज्ञान महायज्ञका बारेमा जानकारी दिने उदेस्यले राखिएको पत्रकार सम्मेलनमा बोल्दै मुल संयोजक झविन्द्रराज आचार्य

Subscribe to: Posts ( Atom )

Events

Labels

Education[combine]

Text Widget

Fashion[oneright]

Technology[oneleft]

Business[three](3)

Sticky News[hot](3)

Health[two]

Science[dark](3)

Break

Life Style

Page

Pokhara

Lekhnath

Events

Economy

Entertainment

Friday, March 31, 2017

Monday, February 27, 2017

Saturday, February 25, 2017

Friday, February 24, 2017

Thursday, February 23, 2017

Wednesday, February 22, 2017

Tuesday, February 21, 2017

Random News

Recent Post

Featured Post

Facebook

Popular Posts

Archive